Söfnun er hafin fyrir einstæða móður með veikt barn

• Fréttir
• 6. september 2006

Hafin er söfnun fyrir einstæða þriggja barna móður í Grindavík sem þarf að fara erlendis á sunnudag með elstu dóttur sína, sem var að greinast með æxli á bakvið auga. Dóttirin, sem er 10 ára, greindist með krabbamein í auga þegar hún var eins árs. Það auga þurfti að fjarlægja og fékk hún glerauga í staðinn.

Núna á dögunum þá kom í ljós að æxli væri að myndast á bak við heilbrigða augað og þarf hún að fara til Englands strax núna á sunnudaginn til að komast að því hvort þetta er illkynja eða góðkynja. Ef þetta er illkynja þá mjög líklega missir hún sjónina á heilbrigða auganu líka og verður þá alveg blind.

Vinir fjölskyldunnar vilja bregðast hratt við, enda þarf fjölskyldan á miklum stuðningi að halda. Opnaðir hafa verið reikningar í útibúum Landsbankans og Sparisjóðsins í Grindavík.

Reikningurinn í Landsbankanum ber númerið 0143-26-1996. Kennitalan er 051278-5509.

Reikningurinn í Sparisjóðnum ber númerið 1193-26-1996. Kennitalan er 051278-5509.

• Síðast uppfært: 6. september 2006