Grindavíkurkrakkar leika í kvikmynd

• Fréttir
• 7. apríl 2006

Fimmtudaginn 9. mars fóru fram kvikmyndatökur í Bláa lóninu á vegum TrueNorth. Nokkrir nemendur úr 8.-10. bekk Grunnskóla Grindavíkur tóku þátt sem aukaleikarar og fengu að kynnast því hvernig svona vinna færi fram. Hluti af hópnum er að læra kvikmyndatöku og klippingu í skólanum og notast við iMovie í klippingu og Panasonic tökuvélar.

Myndin gengur undir heitinu ?Nothing but ghosts? og er samstarfsverkefni Þjóðverja og Íslendinga. Tökur á myndinni hafa farið fram m.a. við Gullfoss og Geysir, Reykjavík, Bláa lóninu, Leifsstöð og víðar. Meðal íslenskra leikara í myndinni má nefna Sólveigu Arnardóttur.

• Síðast uppfært: 7. apríl 2006