Ómar C. Einarsson lætur af störfum sem skipstjóri

• Fréttir
• 26. apríl 2006

Hrafn GK 111, kom inn til Grindavíkur síðast liðið mánudagskvöld með 90 milljón króna aflaverðmæti eftir 30 daga veiðiferð. Alls veiddust 610 tonn upp úr sjó, miðað við slægðan fisk sem var að þessu sinni mjög blandaður eða 115 tonna af þorski, 80 tonn ýsa, 75 tonn ufsi, 270 tonn karfi og 45 tonn af gulllax,  sem gera um 300 tonn af frosnum afurðum. Við heimkomuna lætur Ómar Costaldo Einarsson, skipstjóri, af störfum á frystitogaranum Hrafni GK 111 eftir að hafa stýrt skipinu í nærri sjö ár eða frá því að Þorbjörn hf. í Grindavík, sem nú heitir Þorbjörn Fiskanes hf., eignaðist skipið árið 1999.  Ómari voru þökkuð vel unnin störf og honum færðar gjafir bæði frá fyrirtækinu og áhöfn skipsins. Eiríkur Tómasson forstjóri afhendir Ómari viðurkennigaskjöld

• Síðast uppfært: 26. apríl 2006