Stocks fór á kostum

• Fréttir
• 9. mars 2006

Tamara Stocks, nýr leikmaður kvennaliðs Grindavíkur í körfuknattleik, byrjar vel með liðinu. Hún gerði 38 stig í gær þegar Grindavík lagði KR 58:89 og Hildur Sigurðardóttir gerði 26 stig þannig að saman gerðu þær tvær 64 stig af 89 stigum liðsins. Stocks tók auk þess 13 fráköst og var mjög örugg á vítalínunni, hitti úr 16 af 18 skotum þar og varði fimm skot frá KR-stúlkum.

Grindavík er sem fyrr í öðru sæti deildarinnar, tíu stigum á eftir Haukum sem eru í efsta sæti en Hafnarfjarðarliðið vann Keflavík í gær, 115:72 á útivelli, og er Keflavík því í þriðja sæti, tveimur stigum á eftir Grindavík.

• Síðast uppfært: 9. mars 2006