Viđ eigum flotta unglinga!

  • Fréttir frá Ţrumunni
  • 14.11.2011
Viđ eigum flotta unglinga!

Félagsmiðstöðin Þruman hélt upp á 25 ára starfsafmæli sitt með pompi og pragt síðasta föstudag. Að frumkvæði unglinganna var blásið til mikillar veislu þar sem tónlist, töfrabrögð, dans og tíska var í fyrirrúmi. Þruman, sem hefur aðsetur í Kvennó, var þétt setin af unglingum og fullorðnum og gaman var að sjá að hver einasti bæjarfulltrúi mætti í afmælið. Að lokinni skemmtilegri dagskrá var svo boðið upp á kökuveislu á efri hæðinni sem unglingarnir sáu sjálfir um.

Nökkvi Már Harðarson formaður Þrumuráðs fór yfir starfsemi Þrumunnar. Róbert Ragnarsson bæjarstjóri flutti ávarp fyrir hönd Grindavíkurbæjar og færði Þrumunni glæsilega myndavél að gjöf frá bæjarstjórn.

Hljómsveit hússins tók þrjú hressileg lög en hana skipa þeir Jonni á trommur, Stefán á gítar, Þorsteinn á bassa, og Friðfinnur á kassagítar. Ari og Kristján röppuðu af mikilli snilld, Helgi töframaður sýndi flott töfrabrögð og afrakstur úr hönnunarkeppni Stíls var sýndur en hönnunarliðið skipuðu þær Unnur, Katla og Edda Sól sem jafnframt var fyrirsæta. Jafnframt var dansatriði frá 7. bekk en Sverrir og Hákon sýndu gestum það heitasta í dansheiminum í dag. Kynnar kvöldsins voru þær Valgerður María Þorsteinsdóttir og Rósa Dís Sveinsdóttir.

Kynnar kvöldsins, Rósa Dís og Valgerður María.
Nökkvi formaður Þrumuráðs og Róbert bæjarstjóri sem kom færandi hendi fyrir hönd bæjarstjórnar og gaf Þrumunni glænýja ljósmyndavél.
Helgi Rafn töframaður kann ýmislegt fyrir sér.
Hljómsveit hússins tók þrjú lög: Þorsteinn, Jonni og Stefán.
Katla, Edda Sól fyrirsæta og Unnur. Krossfiskurinn á höfðu Eddu er ekta!

 

Deildu ţessari frétt