Bikardagurinn stóri á morgun !

• Fréttir
• 17. febrúar 2006

Það styttist óðum
í einn stærsta dag í íþrótta sögu Grindavíkur.  Í fyrsta skipti í okkar körfuboltasögu eru bæði kvenna- og karlalið í bikarúrslitum á sama tíma.  Svo sannarlega frábær árangur og auðvitað vonumst við öll eftir enn  betri árangri með því að landa báðum titlum til Grindavíkur.

Undirbúningur stendur yfir hjá stjórn og aðstandendum liðanna og lítur vel út með það.

Forsala aðgöngumiða á úrslitaleikina fer fram í Landsbankanum á morgun, miðvikudag, fimmtudag og föstudag og auk þess á fimmtudagskvöldið í íþróttahúsinu á milli 18 og 21.  Það er mikilvægt að við seljum sem mest í forsölu því þá sölu fáum við beint í vasann og því hvetjum við alla til að kaupa miðana í forsölu.

Andlitsmálning fyrir unga sem aldna fer fram í Landsbankanum á laugardagsmorgun kl. 11:00.  Fríar rútuferðir verða svo þaðan og/eða íþróttahúsinu.

Áfram Grindavík!!!!

• Síðast uppfært: 17. febrúar 2006