Nú þegar 6 vikur eru liðnar af skólaárinu þótti við hæfi að brjóta venjubundna kennslu upp og grípa í spil. Kennarar í Grunnskólanum hafa lagt áherslu á að kenna nemendum að spila á spil, sortera og annað sem skiptir máli í spilamennsku.
Nemendur á unglingastigi hittust á sal skólans og mötuneyti og spiluðu á 40 borðum. Spiluð var félagsvist þar sem byrjað er á spaðatrompi og síðan spilað niður eftir korti. Þar sem 7. bekkurinn telst núna til unglingastigs voru um 160 nemendur sem gripu í spil. Eins og gengur og gerist er alltaf sigurvegari og fær stigahæsti spilari í hverjum árgangi þann heiður að sitja í kennarastólnum næstu viku. Það var því til mikils að vinna. Útreikningar stóðu enn yfir við vinnslu fréttarinnar en verða tilkynnt á mánudag í skólabyrjun.