Grindavíkurbær auglýsir skipulagslýsingu fyrir iðnaðarsvæði við Mölvík í Grindavík skv. 1. mgr. 40 gr. skipulagslaga nr. 123/2010.
Deiliskipulagssvæðið afmarkast af mörkum athafnasvæðis í aðalskipulagi Grindavíkur 2000-2020. Til suðurs afmarkast svæðið af hafi. Umhverfis athafnasvæðið er opið óbyggt svæði. Nesvegur sker svæðið í norður og suðurhluta. Aðkoma að svæðinu er frá Nesvegi. Á svæðinu hefur verið starfrækt fiskeldisstöð en nokkuð er síðan starfsemi þar var lögð niður.
Gert er ráð fyrir tiltölulega lágreistri byggð og boðið verði upp á misstórar lóðir og byggingarreiti.
Stærð skipulagssvæðisins er um 52 ha.
Deiliskipulagstillagan er unnin á grundvelli aðalskipulags Grindavíkur 2000-2020. Svæðið er skilgreint sem athafnasvæði og svæði fyrir fiskeldi.
Endurskoðun aðalskipulags Grindavíkur 2010-2030 er í vinnslu og var auglýst skv. 1. mgr. 18. gr. Skipulags og byggingarlaga nr. 73/1997 á tímabilinu frá 9. apríl til 23. maí 2011. Í endurskoðuðu aðalskipulagi Grindavíkur 2010-2030 er svæðið skilgreint sem iðnaðarsvæði sem teygir sig áfram til vesturs.
Deiliskipulagstillagan er unnin á grundvelli endurskoðaðs aðalskipulags Grindavíkur 2010-2030 sem auglýst er skv. 1. mgr. 18. gr. Skipulags og byggingarlaga nr. 73/1997 á tímabilinu frá 9. apríl til 23. maí 2011.
Fh. Bæjarstjórnar Grindavíkurbæjar
Ingvar Gunnlaugsson
Sviðstjóri skipulags- og umhverfissviðs Grindavíkurbæjar