Jóhann Helgason er fyrirmyndar leikmađur

  • Fréttir
  • 19. ágúst 2011
Jóhann Helgason er fyrirmyndar leikmađur

,,Ég hef aldrei séð neinn tilgang með notkun munntóbaks því það hefur slævandi áhrif fótboltalega á fótboltalega getu og svo er mér mjög annt um almenna heilsu og eiga því íþróttir og notkun munntóbaks enga samleið,'' svaraði Jóhann Helgason þegar hann var spurður um ástæðu þess að nota ekki munntóbak.

JÓHANN HELGASON - LEIKMAÐUR GRINDAVÍKUR

Aldur: 27 ára 
Fyrri félög: KA 
Leikir í deild og bikar: 170 
Mörk í deild og bikar: 21 


,,Ég verð mjög mikið var við notkun munntóbaks og vildi ég leggja mitt af mörkum í þessu átaki því ég er mjög á móti þessu og á þetta átak fyllilega rétt á sér,'' sagði Jóhann þegar hann var spurður hvort hann yrði var um þetta á æfingum.

,,Það finnst mér ekki gott og það er allt of mikið um þetta en sem betur fer eru reglur á íþróttasvæðinu sjálfu og reyna leikmenn að fara að mestu leiti eftir því,'' sagði Jóhann um viðhorf hans gagnvart því að leikmenn væru að nota þetta innan um börn og unglinga.

,,Það hefur mikla þýðingu fyrir mig að vera fyrirmyndarleikmaður og ég tek það hlutverk mjög alvarlega,'' sagði Jóhann að lokum.

Fyrimyndarleikmaðurinn - Herferð gegn munntóbaksnotkun. 
Fyrirmyndarleikmaðurinn er átaksverkefni gegn munntóbaksnotkun knattspyrnumanna og ungs fólks, á vegum Embættis Landlæknis, KSÍ, ÍSÍ, UMFÍ og ÁTVR. Einnig er herferðinni beint gegn notkun tóbaks á íþróttasvæðum.

Forustumenn íþróttafélaganna eru hvattir til að fylgja eftir ályktun Íþrótta og sérsambanda, að útrýma allri notkun tóbaks úr öllu íþróttastarfi. Átakið mun standa frá júní til loka september, eða yfir keppnistímabil knattspyrnumanna. Ástæða þess að átakinu er beint að knattspyrnumönnum er að þar hefur munntóbaksnotkun breiðst afar hratt út á síðustu misserum. Samkvæmt könnun meðal knattspyrnumanna, kemur fram að allt að 30% leikmanna hafi notað eða séu að nota Munntóbak. Vitað er að helsta ástæða þess að ungt fólk byrjar munntóbaksnotkun er hópþrýstingur eða fyrir tilstuðlan fyrirmynda.

Átakið fer fram með þeim hætti að valinn verður einn leikmaður frá hverju liði í efstu deild og fær hann titilinn fyrirmyndarleikmaður. Sá leikmaður er ekki að neyta tóbaks. Hlutverk leikmannsins er að vera fyrirmynd yngri iðkenda og ungs fólks. Í dag kynnir Fótbolti.net fyrirmyndarleikmanninn Jóhann Helgason.

Deildu ţessari frétt