Stjórn körfuknattleiksdeildar UMFG hefur ákveðið að draga lið meistaraflokks kvenna úr úrvalsdeildinni eftir að lykilmenn yfirgáfu liðið annað árið í röð. Meistaraflokkurinn verður hins vegar ekki lagður niður heldur ákveðið að senda liðið til keppni í B-deild Íslandsmótsins.
,,Þetta var ekki auðveld ákvörðun fyrir stjórn að taka, sem telur sig hafa gert vel fyrir báða meistarflokkana," segir í yfirlýsingu frá formanni deildarinnar sem má lesa í heild sinni á heimasíðu UMFG.