Grunsamlegar heimsóknir

• Fréttir
• 27. júní 2011

Haft hefur verið samband við heimasíðuna til að vekja athygli á heldur óvenjulegum heimsóknum í hús í Grindavík sem eru þess eðlis að ástæða er til að hafa varan á. Maður af erlendum uppruna bankaði upp á í nokkrum húsum síðasta föstudags- og laugardagskvöld og bauðst til þess að mála þakið hjá viðkomandi. Grunur leikur á að maðurinn hafi fyrst og fremst verið að kanna hvort viðkomandi hús hafi verið mannlaus.

Grindvíkingar eru hvattir til þess að láta lögreglu vita um grunsamlegar mannaferðir og læsa húsin sín, hvort sem fólk er heima eða heiman.

• Síðast uppfært: 27. júní 2011