Frábær þátttaka var í hátíðarhöldum Sjóarans síkáta í kvöld. Grillað var um allan bæ og kl. 20 fór svo hverfi hvert í sína skrúðgöngu sem allar sameinuðust við Ránargötu. Var glæsileg sjón að sjá öll fjögur hverfin marsera niður götuna enda litadýrðin stórkostleg og allir með bros á vör og klæddir í réttu litina. Bæjarbúar eiga hrós skilið fyrir frábæra þátttöku og hugmyndaauðgi í skreytingum og klæðaburði.
Á bryggjuballinu tóku trúbadorar hverfanna við og græna hverfið bauð upp á sjálfan Valgeir Guðjónsson sem samdi lagið græna byltingin á sínum tíma. Valgerður María og Lára Lind tóku tvö skemmtileg lög við frumsamda texta við góðar undirtektir og þá Mömmustrákar skemmtu og þar eru efnirlegir piltar á ferð. Kynnt voru verðlaun í skreytingakeppninni (sjá annarri frétt) og þá tóku við Hreimur og Vignir úr Vinum sjonna, Buffið og svo Ingó og Veðurguðirnir. Sannarlega glæsileg dagskrá og allir fengu eitthvað við sitt hæfi.