Borgarbókasafn veitir verðlaun árlega fyrir tvær bækur sem 6-12 ára börn á öllu landinu velja. Valið fer fram í grunnskólum og bókasöfnum um allt land. Þetta er í níunda sinn sem verðlaunin eru veitt og að þessu sinni tóku rúmlega fjögur þúsund börn þátt í kosningunni.
Þann 15. maí voru verðlaunin afhent í Borgarbókasafni... bókin Ertu guð afi? eftir Þorgrím Þráinsson varð fyrir valinu og hin var Dagbók Kidda klaufa: Róbbi rokkar í þýðingu Helga Jónssonar. Um 70 krakkar tóku þátt í valinu hér í Grindavík og fékk verðlaunabókin langflest stig eða 39. Dregið var úr atkvæðaseðlunum og hlaut Karen Ósk Sigurðardóttir lítinn vinning frá Bókasafni Grindavíkur. Við þökkum öllum krökkunum þátttökuna, en skólasafnið hélt utan um atkvæðagreiðsluna.