Gönguleiða merkingar hafnar á Reykjanesi

• Fréttir
• 23. nóvember 2005

Í dag var hafist handa við að stiku merkja Skipsstíg sem liggur milli Grindavíkur og Njarðvíkur. Girðir ehf hefur samið við Ferðamálasamtök Suðurnesja að sjá um verkið sem felur í sér að reka niður járnhólk sem stikan sjálf situr í, hver stika er merkt hverri gönguleið og númeruð og er það númer gps merkt og á skrá t.d. hjá neyðarlínunni 112 og því auðvelt að staðsetja fólk í nauð eða villum. Árni G Svavarsson hjá Girði ehf og vinnuflokkur hans byrjaði verkið í Kúadal í Grindavík sem í dag telst vera upphafspunktur gönguleiðarinnar Grindavíkur megin og er nánast í miðjum bæ. Þetta er tilraunaverkefni í tengslum við gönguleiðarverkefnið , en á næstunni verður hafist handa við að koma fyrir stórum skiltum í þéttbýlisstöðum á Reykjanesi sem sýna yfirlitsmynd af næsta nágreni og upphaf hverrar gönguleiðar. Í kjölfarið verður komið fyrir skiltum við upphaf gönguleiðar og á hverri leið verða einnig skilti sem sýna helstu markverða staði og kennileiti. Verkefnið byggir á korti sem ferðamála samtök Suðurnesja gáfu út 2003 og dreifðu í hvert hús á Suðurnesjum. Kortið fæst í Saltfisksetri Íslands .  Myndin er af vörðu á Prestastíg , flestar gönguleiðir á Reykjanesi eru vel varðaðar og auðveldar yfirferðar.

• Síðast uppfært: 23. nóvember 2005