Hafrannsóknarstofnun Íslands rekur tilraunaeldisstöð vestur á Stað við Grindavík. Árið 1988 var byggð 560 fm tilraunaeldisstöð í nágrenni við Íslandslax og gerður samningur við fyrirtækið um afhendingu á jarðsjó. Árið 2002 var byggð 790 fm viðbygging og Þá gerður samningur við Íslandslax um afhendingu á heitu vatni. Megináhersla undanfarin ár hefur verið þróun á þorskseiðaeldi og má segja að stöðin sé nú á þeim tímapunkti að geta lagt til þorskseiði í fjöldaframleiðslu til áframeldis, en þá þarf að koma til byggingar  á 5000 fm stöðvarhúsi  sem gæti framleitt 6 miljónir seiða sem myndu gefa af sér um 20 þúsund tonn af sláturþorski.

 

Í stuttu yfirliti sem Agnar Steinarsson fiskeldisfræðingur við stöðina tók saman , um starfsemina á yfirstandandi ári kemur fram að framleiðsla á þorskseiðum var um 200 þúsund seiði, fyrirtækið Icecod kaupir seiðin af stöðinni og selur áfram í eldisstöðvar í Berufirði , Ísafjarðardjúpi og víðar. Framleiðsla á Sandhverfuseiðum var um 170 þúsund seiði sem Silfurstjarnan í Öxarfirði  kaupir til áframeldis í eigu Samherja h/f  

 

Helstu Rannsóknarverkefni eru : Kynbætur á þorski (Icecod)

                                         : Sjúkdómavarnir í þorskeldi (HÍ og RF)

                                         : North cod (samnorrænt verkefni)

                                         : Vaxtarlíkan fyrir þorskeldi (Hafró)

                                         : Vaxtarlíkan fyrir Sandhverfueldi (Hafró)

 

Framleiðslugetan : Stöðin er með tólf framleiðsluker og með núverandi afköstum getur stöðin framleitt um 200-300 þúsund þorskseiði  og svipað magn af Sandhverfuseiðum á ári. Stöðin er þó fyrst og fremst hugsuð sem rannsóknarstöð og er ekki gert ráð fyrir því að auka seiðaframleiðsluna umfram það sem nú er.

 

Til þess að anna aukinni eftirspurn eftir þorskseiðum yrði að reisa nýja og sérhæfða eldisstöð.

 

Ólafur Ö Ólafsson bæjarstjóri Grindavíkur og Sigmar Eðvarðsson formaður bæjarráðs komu í heimsókn í stöðina til að kynna sér starfsemina og framtíðar uppbyggingu á svæðinu.

Mynd: Ólafur Ö Ólafsson , Agnar Steinarsson fiskeldisfræðingur, Matthías Sigurðsson stöðvarstjóri og Sigmar Eðvarðson .