16. fundur Ferða- og atvinnumálanefndar Grindavíkur haldinn í bæjarstjórnarsal, þriðjudaginn 3. maí 2011 og hófst hann kl. 20:00

Fundinn sátu:
Páll Jóhann Pálsson (PJP), Jakob Sigurðsson (JS), Heiðar Hrafn Eiríksson (HHE), Lovísa Hilmarsdóttir (LH) og Helga Kristjánsdóttir (HK).

Fundargerð ritaði: Þorsteinn Gunnarsson, Upplýsinga- og þróunarfulltrúi

Dagskrá:

1. 1105025 - Kvikan - auðlinda og menningarhús
Nefndin skoðaði nýju Jarðorkusýninguna í Kvikunni, sem einnig hýsir Saltfisksýninguna. Jarðorkusýningin er góð viðbót við starfsemi Kvikunnar og mun vonandi laða að fleiri ferðamenn. Kvikan opnar að nýju um miðjan maí.

2. 1101017 - Sjóarinn síkáti 2011
Undirbúningur gengur samkvæmt áætlun þar sem fjölskyldugildi verða í hávegum. Vonast er eftir góðri samvinnu við Sjómanna- og vélstjórafélag Grindavíkur.

3. 1103044 - Dragnótamenn óska eftir stuðningi.
Nefndin telur að best sé að taka ákvörðun um dragnótaveiðar við Grindavík á vísindalegum forsendum.

4. 1105024 - Ástand gömlu bryggjanna í Þórkötlustaðanes og Staðahverfi
Nefndin skorar á bæjarráð að eiga frumkvæði að því að verja gömlu hafnarmannvirkin í Þórkötlustaðanesi og Staðarhverfi fyrir frekari skemmdum áður en það verður of seint. Þessi gömlu hafnarmannvirki eru stór hluti af menningarsögu Grindavíkur og í kringum bryggjurnar eru einnig mannvirki sem áhugavert er að varðveita og mega ekki glatast. Ef ekkert verður aðhafst hverfa þessi gömlu mannvirki á nokkrum árum.

5. 1101038 - Tjaldsvæði og þjónustuhús
Nefndin telur mikilvægt að huga að göngustígum út frá tjaldsvæðinu og betri merkingum fyrir ferðamenn. Nefndin leggur til við bæjarráð að skipuleggja uppbyggingu göngustígakerfis með tengingu við ferðmannnastaði bæjarins.

Fleira ekki gert. Fundi slitið kl. 22:15

• Síðast uppfært: 6. maí 2011