128. fundur Umhverfisnefndar Grindavíkur haldinn í bæjarstjórnarsal, mánudaginn 28. mars 2011 og hófst hann kl. 17:00.

Fundinn sátu:
Guðbjörg Eyjólfsdóttir (GE), Björgvin Björgvinsson (BB) og Jón Ólafur Sigurðsson (JÓS).

Fundargerð ritaði: Þorsteinn Gunnarsson, Upplýsinga- og þróunarfulltrúi.

Dagskrá:

1. 1103088 - Landgræðslan. Skýrsla 2010, áætlun 2011.
Skýrslan lögð fram. Nefndin tekur undir að farið verði í skoðunarferð um uppgræðslusvæðið með vorinu.

2. 1001036 - Skotæfingasvæði
Nefndin er sátt við svæðið sem skipulags- og bygginganefnd og Skotfélagið Markmið leggja til sem framtíðar skotæfingasvæði félagsins.

3. 1103089 - Sorptunnur í Svartsengi við bílaplanið
Nefndin leggur til að settar verði sorptunnur á svæðið þar sem umferð fólks og ferfætlinga hefur aukist töluvert og þetta verði til reynslu fram á haust.

4. 1007062 -  Fráveita Bláa lónsins
Nýjar tillögur frá HS Orku lagðar fram.

5. 1103046 - Kynning á Grænum apríl
Nefndin samþykkir að skrá Grindavíkurbæ í verkefnið og skora jafnframt á stofnanir, fyrirtæki og einstaklinga að vera með. Nánari upplýsingar eru á www.graennapril.is. Grænn apríl gengur út á að nýta aprílmánuð til að hrinda í framkvæmd umhverfisvænum verkefnum, kynna þau umhverfisverkefni sem þegar eru í framkvæmd og kynna vöru, þekkingu og þjónustu sem snýr að grænni og sjálfbærri framtíð.

6. 1103090 - Dagur umhverfisins
Nefndin hvetur stofnanir félög og skóla að taka virkan þátt í Degi umhverfisins þann 25. apríl nk.

Fleira ekki bókað.

Fundi slitið kl. 17:50. 

• Síðast uppfært: 29. mars 2011