8. flokkur Íslandsmeistari í körfubolta

• Fréttir
• 13. mars 2011

8. flokkur drengja Grindavíkur varð um helgina Íslandsmeistari í körfubolta eftir að hafa unnið alla fjóra leiki sína í úrslitakeppninni í Röstinni í Grindavík. Þetta er annað árið í röð sem þessir drengir hampa titlinum undir stjórn hjónanna Guðmundar Bragasonar og Stefaníu S. Jónsdóttur.

Grindavíkurstrákarnir létu gríðarlega vel í mótinu og unnu alla fjóra leiki sína sannfærandi. Þeir skelltu KR 66-55 í úrslitaleiknum þar sem Hilmir Kristjánsson fór hamförum og skoraði 34 stig. Aðalsteinn Pétursson skoraði 12 stig, Kristófer Rúnar Ólafsson 10, Kristófer Breki Gylfason 4 og Ingvi Þór Guðmundsson og Aron Friðriksson 3 stig hvor.

Áður unnu þeir Fjölni 58-47, Njarðvík 59-47 og Hauka 64-39. Glæsileg frammistaða hjá piltunum og ljóst að framtíðin er björt í körfuboltanum í Grindavík.

Myndin var tekin af strákunum og þjálfurunum þegar þeir hömpuðu Íslandsmeistaratitlinum í dag.

• Síðast uppfært: 13. mars 2011