Endurbætt og stækkuð verslun Nettó var opnuð í morgun eftir að hafa verið lokuð í tvo daga. Frá áramótum hafa staðið yfir miklar framkvæmdir en búið er að stækka verslunina sem um munar og auka vöruúrval en óhætt er að segja að hún hafi gengið í gegnum miklar breytingar. Grindvíkingar fjölmenntu í búðina í morgun og var engu líkara en sjálfur aðfangadagur jóla væri runninn upp, slík var örtröðin.
Mörg góð opnunartilboð eru í gangi í verslunni í tilefni dagsins. Óhætt er að segja að vel hafi tekist til með breytingarnar.