Grindavík tapaði fyrir Stjörnunni

• Fréttir
• 28. febrúar 2011

Grindavík steinlá fyrir Stjörnunni 3-1 í 2. umferð Lengjubikarsins um helgina en leikið var í Reykjaneshöllinni. Magnús Björgvinsson skoraði mark Grindavíkur undir lok fyrri hálfleiks þegar hann jafnaði metin en Stjarnan gerði út um leikinn með tveimur mörkum í seinni hálfleik. Bæði lið hafa þrjú stig eftir tvær umferðir.

Í lið Grindavíkur vantaði nokkra lykilmenn. Lið Grindavíkur: Óskar - Alexander, Markó, Guðmundur Bj., Ray - Matthías, Jamie, Orri - Scotty, Magnús, Óli Baldur. Í hálfleik komu Gunnar Þ. og Guðmundur Egill inn á og svo Emil og Paul McShane í seinni hálfleik.

Grindavík hefur lánað varnarmanninn Loic Ondo til Bí/Bolungarvíkur.

• Síðast uppfært: 28. febrúar 2011