Nágrannaslagur af bestu gerð verður í æfingamóti fotbolti.net þegar Grindavík og Keflavík mætast í Reykjaneshöllinni kl. 17:30 í dag. Í fyrstu umferðinni gerði Grindavík jafntefli við HK en Keflavík tapaði fyrir Breiðablik. Gaman verður að sjá nágrannaliðin mætast í dag enda eru þau talsvert breytt frá síðasta ári. Paul McShane, Jóhann Helgason, Jósef Kr. Jósefsson og Óli Baldur Bjarnason verða ekki með Grindavík í dag vegna meiðsla.