Mikil stemning ríkir nú meðal starfsfólks grunnskólans en tilefnið er HM í handbolta. Stjórn starfsmannafélagsins hefur skipt öllu starfsfólkinu í lið sem öll taka þátt í að tippa á úrslit leikja, markahæsta leikmanninn og varin skot hjá íslenska liðinu auk þess sem liðin hafa tippað á þrjú efstu liðin í lok mótsins.
Meðfylgjandi myndir voru teknar fyrir helgi og í dag, mánudag. Eins og sjá má hafa liðin lagt gríðarlegan metnað í að skapa skemmtilega og jákvæða stemningu í kringum þennan stórviðburð í handboltaíþróttinni.