Kjör á íþróttamanni og íþróttakonu Grindavíkur fyrir árið 2010 fer fram í Saltfisksetrinu á gamlársdag. Af því tilefni bjóða UMFG og afrekssjóður Grindavíkur öllum bæjarbúum í Saltfisksetrið til að fylgjast með athöfninni, sem hefst kl. 13:00.
Veittar verða viðurkenningar til einstaklinga fyrir Íslands- og bikarameistaratitla, fyrsta landsleik auk sérstakra hvatningarverðlauna sem veitt eru ungum og efnilegum íþróttamönnum Grindavíkur.