Nú síðustu daga fyrir jólafrí hafa nemendur við grunnskólann unnið að því að skreyta skólann. Allir hafa lagt sig fram við að hafa skólann huggulegan enda litlu jólin handan við hornið. Annars vegar í kvöld hjá eldri krökkunum (6.-10. bekkur) og í fyrramálið hjá þeim yngri (1.-5. bekkur).
Árviss viðburður er jólapóstkassinn sem hver og einn bekkur býr til og setur fyrir framan stofuna. Á meðfylgjandi myndum má sjá alla þá póstkassa sem til staðar eru í grunnskólanum við Ásabraut.