Litlu jól og jólaball á unglingastigi verða fimmtudaginn 16. desember. Allir nemendur í 6. - 10. bekk taka þátt í jólatrésskemmtun á sal stundvíslega kl. 18.30 - 18.50. Litlu jólin fara fram í stofum með umsjónarkennurum kl. 19.00 - 20.00. Þessi litlu jól verða ekki hefðbundnir jólapakkar. Þess í stað ætla allir nemendur á unglingastiginu að gefa kr.500 til góðgerðamála í Grindavík. Umsjónarkennarar sjá um að safna saman peningunum hver hjá sínum bekk. Nemendaráð mun síðan afhenda heildarupphæðina á Saltfisksetrinu laugardaginn 18.desember.
Jólaball er frá kl. 20.00 - 24.00 (6. og 7.bekkir mega vera til kl. 22.30).
Foreldrar eiga að sækja börn sín að loknum dansleik.
Skyldumæting er hjá nemendum á litlu jól - óheimil fjarvist ef þeir mæta ekki án leyfis foreldra.
Venjulegar skólareglur gilda á balli - Símar ekki leyfðir. Ef einhver nemandi þarf nauðsynlega að hringja, þá eiga þeir að ræða við starfsfólk á ballinu. Einnig þarf vart að taka það fram að meðferð og notkun tóbaks(einnig munntóbak) og annarra vímuefna er ekki leyfileg.
Því miður er ekki hægt að heimila eldri nemendum að koma á skólaballið.
Foreldrar eru velkomnir.
Nemendum verður ekki hleypt út á meðan jólaball stendur yfir.
Foreldrar láti umsjónarkennara/starfsfólk vita ef eitthvað sérstakt er (lyf, veikindi o.sv.frv.)
Hægt er að bjóða gesti á grunnskólaaldri - Viðkomandi foreldri/forráðamaður þarf að tilkynna það til deildarstjóra unglingastigs sem fer yfir ábyrgð og skólareglur.
Skóli byrjar aftur eftir áramót mánudaginn 3. janúar kl. 8.00.
Góða skemmtun og gleðileg jól!