Ár 2010, mánudaginn 13. desember var haldinn 166. fundur íþrótta- og æskulýðsnefndar Grindavíkur. Fundurinn var haldinn á bæjarskrifstofunni og hófst kl. 20:00.
Mættir voru: Magnús Már Jakobsson formaður, Jóna Rut Jónsdóttir, Þórunn Erlingsdóttir, Benóný Harðarson og Páll Axel Vilbergsson. Jafnframt sat fundinn Kristinn J. Reimarsson frístunda- og menningarfulltrúi sem ritaði fundargerð.
Magnús Már setti fund og bauð fundarmenn velkomna.
Þetta gerðist:
1) 0904053 - Samningar við deildir UMFG.
Á fundinn mættu til viðræðna frá UMFG:
Eyjólfur Guðlaugsson
Ingvar Guðjónsson
Þorsteinn Gunnarsson
Bjarni Már Svavarsson
María Jóhannesdóttir
Frá Golfklúbbi Grindavíkur:
Páll Erlingsson
Sigvaldi Þorsteinsson
Til umræðu endurnýjun á samningum v/ barna- og unglingastarfs.
Fulltrúar UMFG og GG mótmæla harðlega þeim niðurskurði sem á að vera á greiðslum til íþróttahreyfingarinnar og sérstaklega á þeim greiðslum sem teljast iðkendatengdir styrkir því það kostar það að foreldrar og forráðamenn barna og unglinga þurfa að fara greiða æfingagjöld. Óska þeir eftir því að ákvörðun þessa efnis verði frestað a.m.k. fram á næsta haust.
Íþrótta- og æskulýðsnefnd samþykkir að óska eftir því við bæjaráð að afgreiðslu þessa máls verði frestað. Nefndin fer fram á það að samningar við íþróttahreyfinguna verði látnir standa óbreyttir fram á næsta skólaár og frí æfingagjöld verði ekki afnumin fyrr en í fyrsta lagi 1. ágúst 2011.
Fleira ekki gert. Fundi slitið kl. 22:00
Magnús Már Jakobsson
Jóna Rut Jónsdóttir
Þórunn Erlingsdóttir
Benóný Harðarson
Páll Axel Vilbergsson