Góðir gestir í heimsókn í setrinu

• Fréttir
• 9. ágúst 2005

Um síðastliðna helgi komu í heimsókn í Saltfisksetur Íslands ásamt fylgdarmanni , þau heiðurshjónin Francisko Daurella og eiginkona hans Carmen De Aguilera. Þau hjónin ásamt fjölskyldu sinni reka innflutnings fyrirtækið Copesco Etrisa á Spáni sem fyrst og fremst verslar með saltfisk frá Íslandi. Fyrirtækið hefur í marga áratugi keypt saltfisk frá Grindavík og hefur haldið mikilli tryggð við Þorbjörn h/f, nú Þorbjörn- Fiskanes h/f . Í heimildar myndinni "Lífið er Saltfiskur" sem er sýnd á einum af fjórum skjám í safninu, sjást  saman við samningaborð þeir Tómas Þorvaldsson fyrv. forstjóri hjá Þorbirni h/f og þáverandi forstjóri S.Í.F ásamt Francisko Daurella að  semja um saltfisk sölu til Spánar. Fannst þeim hjónum mikið til koma um safnið og heimsóknina , en til að taka á móti þeim kom Gunnar Tómasson núverandi framkvæmdastjóri hjá Þorbirni-Fiskanesi. Tómas Þorvaldson var staddur utanbæjar og komst ekki til að taka á móti gömlum vinum. Friðrik Ásmundsson Brekkan, leiðsögumaður skipulagði ferðina. Á myndinni frá hægri eru Gunnar Tómasson, Carmen De Aguilera, Francisko Daurella og Óskar Sævarsson forstöðum. 

• Síðast uppfært: 9. ágúst 2005