Það var líf og fjör í Grunnskóla Grindavíkur á laugardaginn þegar foreldrafélagið stóð fyrir hinu árlega jólaföndri. Foreldrar og börn fjölmenntu í skólann og var augljóst að margur listamaðurinn braust þarna fram, bæði hjá nemendum og foreldrum. Þá var einnig selt á hið margrómaða kaffihlaðborð sem svignaði undan kræsingum.
Myndirnar voru teknar í jólaföndrinu sem tókst ljómandi vel líkt og endranær.