Sunnudagurinn 17. október var Alþjóðlegur baráttudagur gegn fátækt. Þjóðkirkjan tók þátt í að vekja athygli á deginum og helgaði prédikanir sunnudagsins og fyrirbænir baráttunni gegn fátækt og félagslegri einangrun. Séra Elínborg Gísladóttir prestur í Grindavíkurkirkja, fjallaði um baráttudaginn gegn fátækt í sinni prédikun í messu í gærkvöldi.
Fram kom hjá Elínborgu að kirkjan verður átakanlega vör við fátækt, sérstaklega í tengslum við hjálparstarfið. Hún sagði Grindavíkursamfélagið enga undantekningu, ástandið í þjóðfélaginu væri með þeim hætti að margir ættu um sárt að binda. Atvinnuleysi hefði aukist og mikilvægt væri fyrir bæjabúa að standa saman og huga að þeim sem eru í vandræðum því þetta fólk hefur tilhneigingu til að einangra sig félagslega. Ekki mætti festast í reiði og vonleysi heldur vinna að uppbyggingu.
Meginmarkmið Evrópuársins er að auka vitund fólks um orsakir og afleiðingar fátæktar og félagslegrar einangrunar; bæði almennings og þeirra sem gegna áhrifastöðum.
Sjá nánar á vef Þjóðkirkjunnar.