Bleika slaufan er tákn Krabbameinsfélagsins í baráttunni gegn krabbameini hjá konum. Íslendingar eru hvattir til þess að styðja baráttuna gegn krabbameinum og hafa slaufuna sýnilega í októbermánuði. Í tilefni þessa er kirkjuturninn í Grindavíkurkirkju í bleikum lit þessa dagana eins og sjá má á myndinni.
Slaufan kostar 1.500 krónur og er hönnuð af Ragnheiði I. Margeirsdóttur vöruhönnuði sem vann samkeppni Bleiku slaufunnar í ár. Innblástur er sóttur í þjóðleg klæði formæðra okkar, íslenska þjóðbúninginn og það sem honum fylgir.
Sjá nánar á www.bleikaslaufan.is