Grunnskóla Grindavíkur var formlega slitið miðvikudaginn 8. júní er nemendur skólans fengu afhentan vitnisburð vetrarins.  10. bekkingar kvöddu skólann í síðasta sinn er þeir tóku við vitnisburði sínum úr hendi Pálma Hafþórs Ingólfssonar deildarstjóra og Gunnlaugs Dan skólastjóra.  Nemendum var afhentar ýmsar viðurkenningar fyrir góðan námsárangur svo og þátttöku í félagslífi skólans.  Halldór Ingvarsson fyrrum fulltrúi skólamála var heiðraður fyrir sín störf, en hann lét af embætti um síðastliðin áramót. Formaður skólanefndar, Guðmundur Pálsson hélt stutta tölu og kom m.a. inn á hina miklu fólksfjölgun innan bæjarins, svo og byggingu nýs skóla sem hugsanlega verður tekinn í notkun haustið 2008.  Myndir frá athöfninni er hægt að skoða á vef Grunnskólanns með þvi að smella á link hér á forsíðunni.