Nýir svæðaleiðsögumenn.

• Fréttir
• 28. maí 2005

Miðstöð Símenntunar á Suðurnesjum útskrifar á næstu dögum 16 manna hóp sem svæðaleiðsögumenn. Eftirfarandi er frétt af vefsíðunni http://www.ferlir.is/ 23:00 | Nýir svæðaleiðsögumenn...
Laugardaginn 4. júní n.k. munu 16 nýir svæðaleiðsögumenn á Reykjanesskgagnum útskrifast frá Miðstöð símenntunnar á Suðurnesjum í Reyjanesbæ. Þeir hafa hlotið þrotlausa og markvissa tveggja vetra þjálfun við misjafnar aðstæður. Á þeim tíma hafa áhyggjur og vonleysi hópsins breyst í jákvæðni og bjartsýni. Starfssvæðið er landnám Ingólfs, en eins og kunnugt er helgaði sá hinn fyrsti landnámsmaður sér landið allt á 9. öld, en Landnáma, sem skrifuð var á 12. öld, tileinkaði honum síðan svæðið vestan línu er dregin var á millum Ölfusárósa og Hvalfjarðarbotnsár. Þótt takmörkunin sé seinni tíma nær þekking og áhugi hinna verðandi leiðsögumanna hins vegar langt út fyrir hana.
Síðustu 20 árin hefur einungis einn leiðsögumaður haft sérþekkingu á Reyjanesinu, þ.e. Helga Ingimundardóttir í Njarðvíkum. Nú mun hún fá liðstyrk sem um munar, enda Reykjanesskaginn "helsta von ferðaþjónustunnar" hér á landi til næstu framtíðar og þar liggja mestu vaxtarmöguleikar hennar. Á síðasta ári komu t.d. til landsins 365.000 ferðamenn, langflestir í gegnum Keflavíkurflugvöll á Reykjanesskaganum. Reiknað er með að þeir verði orðnir um 1.000.000 árið 2014. Á svæðinu búa um 2000005 Íslendingar, sem langflestir bæði geta og eiga eftir að uppgötva leyndardóma svæðisins. Hinir 15 fræknu eiga því mikið verk fyrir höndum að leiðsegja öllu þessu fólki um svæðið, en ferð án leiðsagnar er líkt og að horfa á litmynd með bundið fyrir augun.
Réttindalausir "leiðsögumenn" er eftirleiðis reyna leiðsögn á Reykjanesskaganum verða annað hvort kærðir eða hljóta bölvun landvættanna.   Myndin sýnir hóp fólks sem gekk á vegum Ferlis í Krýsuvíkurhrauni í vetur.

• Síðast uppfært: 28. maí 2005