Bæjarráð samþykkti að skipa félagsmálastjóra, frístunda- og menningarfulltrúa og formann félagsmálaráðs í starfshóp til að taka út þjónustu við eldri borgara í Grindavík. Úttektin dragi fram það sem vel er gert og hvað má betur fara varðandi einstaka þjónustuþætti.
Á grundvelli úttektarinnar verði lögð fram stefnumótun í málefnum eldri borgara í Grindavík. Lagðar skulu fram tillögur um skipulag þjónustunnar og skal sérstaklega horft til þess hvort ekki megi samþætta þjónustuna, starfsmönnum og þjónustuþegum til hagsbóta. Hópurinn skili tillögum eigi síðar en 1. nóvember 2010.