Malbikunarframkvæmdir hafa staðið yfir á Grindavíkurvegi undanfarna daga en þeim lauk á föstudaginn. Malbikað var frá Reykjanesbraut að Gerðavöllum. Óhætt er að segja að þessar malbikunarframkvæmdir séu kærkomnar enda löngu kominn tími til að lagfæra Grindavíkurveginn sem hefur látið verulega á sjá undanfarin ár.
Fram kom á íbúafundi í Grindavík í vor um umferðaröryggismál hversu bæjarbúar hafa miklar áhyggjur af Grindavíkurvegi, bæði hvað varðar slitlagið og ýmis önnur öryggismál á veginum.