Grunnskóli Grindavíkur settur í morgun

• Fréttir
• 24. ágúst 2010

Grunnskóli Grindavíkur var settur í morgun, fyrst hjá 4.-7. bekk í grunnskólanum og svo hjá 1.-3. bekk í Hópsskóla. Nemendur í 8.-10. bekk byrjuðu á viðtölum. Nýr sameiginlegur grunnskóli hefur nokkrar breytingar í för með sér en í Hópsskóla fjölgar um einn árgang því 3. bekkur bætist við en að sama skapi fækkar í grunnskólanum en þar verða um 320 nemendur í vetur. Páll Leó Jónsson skólastjóri sagði skemmtilegan vetur fram undan og hvatti nemendur til dáða.

Nú er svo komið að enginn kennaraskortur er í Grunnskóla Grindavíkur því færri komast að en vilja í kennarastöður sem losna og eru allir kennarar skólans með kennsluréttindi.

Hér má sjá skóladagatal grunnskólans fyrir skólaveturinn 2010-2011.

Frá skólasetningu grunnskólans í morgun hjá 4. til 7. bekk.

Krakkarnir sællegir eftir skemmtilegt sumar, óþreyjufull að hefja skólastarfið.

Frá setningu hjá 1.-3. bekk grunnskólans í Hópsskóla í morgun.

• Síðast uppfært: 24. ágúst 2010