Björguðu dreng úr sjálfheldu

• Fréttir
• 20. ágúst 2010

Björgunarsveitin Þorbjörn var kölluð út um klukkan 15 í gær vegna drengs sem var kominn í sjálfheldu við Kleifarvatn. Drengurinn sem er 10 ára gamall var að príla í klettunum við Syðri-Stapa á Kleifarvatni þegar hann uppgvötaði það að hann komst ekki til baka. Hann var mjög yfirvegaður og settist niður á stórri grassyllu á meðan hann beið hjálpar.

Amma drengsins sem var með honum í för gat þá hringt eftir aðstoð en aldrei var nein hætta á ferðum. Drengurinn, sem var orðin frekar skelkaður, komst svo niður stuttu eftir að björgunarsveitarmenn kom á staðinn.  Myndin er tekin í þann mund er drengnum var slakað niður á jafnsléttu.

• Síðast uppfært: 20. ágúst 2010