Grindavík mætir þremur efstu liðunum

• Fréttir
• 18. ágúst 2010

Eftir smá hlé hefur meistaraflokkur Grindavíkur leik að nýju annað kvöld í Pepsideild karla þegar nýkrýndir bikarmeistarar FH koma í heimsókn á Grindavíkurvöll kl. 19:15. Óhætt er að segja að Grindavík eigi erfiða leiki fram undan því okkar menn mæta þremur efstu liðunum. Á sunnudaginn heimsækir Grindavík lið Eyjamanna heim og mánudaginn 30. ágúst kemur Breiðablik í heimsókn.

FH-ingar hafa löngum reynst Grindvíkingum erfiðir á Grindavíkurvelli. Með sigri hefur FH tækifæri til þess að blanda sér fyrir alvöru í toppbaráttuna en Grindavík þarf svo sannarlega á öllum stigunum að halda í fallbaráttunni. Hjá Grindavík eru allir klárir í slaginn nema að Loic Mbang Ondo verður í leikbanni.

Grindvíkingar eru hvattir til þess að fjölmenna á völlinn annað kvöld og styðja við bakið á strákunum.

• Síðast uppfært: 18. ágúst 2010