Óhætt er að segja að fréttin hér á heimasíðunni um Matthías Grindvík Guðmundsson hafi vakið mikla athygli í fjölmiðlum. Matthías sótti um til Þjóðskrár að bæta við millinafninu Grindvík og var það staðfest eftir að mannanafnanefnd tók málið fyrir. Rökstuðningur mannanafnanefndar er þessi:
,,Millinafnið Grindvík er dregið af íslenskum orðstofnum, hefur ekki nefnifallsendingu og hefur hvorki unnið sér hefð sem eiginnafn kvenna né sem eiginnafn karla. Nafnið er ekki heldur ættarnafn í skilningi 7. gr. laga nr. 45/1996 um mannanöfn. Millinafnið Grindvík uppfyllir þannig ákvæði 6. gr. fyrrnefndra laga."
Matthías er eini Íslendingurinn sem hefur Grindvík sem millinafn.