Náttúrvika - Gönguferð um garð og Sólbrekkuskóg

• Fréttir
• 14. júlí 2010

Ýmislegt skemmtilegt verður á dagskrá náttúruviku á Suðurnesjum í dag. Má þar nefna fuglasýningu í Saltfisksetrinu, gönguferð um Garð og aðra um Háabjalla í Sólbrekkuskóg. Dagskráin í dag er eftirfarandi:

Fimmtudagur 29. júlí
Sandgerðisbær - 09:00 - 17:00. Fræðasetrið.
Til sýnis skelja og kuðungasafn, lifandi sjávardýr, uppstoppaðir fuglar og margt fleira. Fjörulíf. Alla dagana geta gestir fengið búnað til að fara í fjöruferðir og kynnst fjölbreyttu lífríki fjörunnar.
Maðurinn í náttúrunni. Með listaverkinu "Óður til hafsins" minnir unga fólkið okkur á umgengni okkar við náttúruna. Til sýnis í anddyri Fræðasetursins.
Fuglar á Sandgerðistjörn. Fuglaskoðunarhús til afnota fyrir alla.
Nánari upplýsingar í afgreiðslu Fræðasetursins og í síma: 423 7551. Opnunartímar: Virka daga: 09:00 - 17:00. Helgar: 13:00 - 17:00.

Sandgerðisbær - kl.13:00 - 17:00. Háskólasetur Suðurnesja, Garðavegi 1 - kynning á starfsemi.
Halldór Pálmar Halldórsson, forstöðumaður Háskólasetursins kynnir starfsemina, m.a. rannsóknir á grjótkröbbum og hvernig kræklingur er notaður við rannsóknir á mengun. Nokkrir nýir landnemar við Íslandsstrendur verða til sýnis í sjóbúrum.

Sveitarfélagið Garður - kl. 16:00. Gönguferð um byggðina - saga fólks;
Leiðsögumaður Hörður Gíslason frá Sólbakka. Gönguferð um byggðina og frætt um sögu fólksins. Mæting kl. 16:00 við Útskálahúsið. Ferðin tekur 3-4 tíma, er öllum ætluð og er ókeypis.

Grindavíkurbær - 11:00 - 18:00. Saltfisksetur Íslands.
Til sýnis uppstoppaðir fuglar auk hefðbundinnar saltfisksýningar safnsins og fallegs handverksmarkaðar.

Reykjanesbær - kl. 20:00. Gönguferð.
Gengið um Háabjalla í Sólbrekkuskóg og til baka aftur í fylgd Kristjáns Bjarnasonar garðyrkjufræðings. Ræddar hugmyndir um skógrækt og framtíðarmöguleika á því sviði á Suðurnesjum. Gerður samanburður við fjölsóttasta útivistarsvæði landsins í Heiðmörk. Mæting undir Háabjalla. Gangan tekur 2 klst.

• Síðast uppfært: 14. júlí 2010