Frábært sumarveður var í Grindavík í gær. Sundlaugin var nánast fullt af fólki og þá var tjaldsvæðið þétt setið alla helgina og svo til fullt á laugardaginn. Aðsókn á tjaldsvæðið í sumar hefur verið góð og töluverð aukning frá því í fyrra. Heyskapur var á fullu í síðustu viku og tókst bændum að klára allt sitt fyrir rigninguna á laugardaginn.
Þrátt fyrir að margir Grindvíkingar væru á ferðalögum víða um landið eða í veiði var líf og fjör á kaffihúsinu Bryggjunni í gær þar sem var margt um manninn í veðurblíðunni. Þá var nokkuð um að fólk væri að dorga á bryggjunni, jafnframt voru fótboltaleikir að vanda á Grindavíkurvelli og þá leit fólk við á Akri.
Kaffihúsastemmning á Bryggjunni í sólinni.
Alltaf gaman að koma að Akri.
Fullt var á tjaldsvæðinu á laugardaginn en farið að fækka í gær.