1. gr.
Almenn heimild.  Innifalið í gatnagerðargjaldi.

Af öllum nýbyggingum svo og stækkunum eldri húsa, sem eru á eignar- eða leigulóð í Grindavíkurkaupstað, skal greiða gatnagerðargjald til bæjarsjóðs samkvæmt gjaldskrá þessari, sbr. heimild í lögum um gatnagerðargjald nr. 17/1996 og reglugerð um gatnagerðargjald nr. 543/1996.

Innifalið í gatnagerðargjaldi er gatnagerð, svo sem undirbygging gatna, tilheyrandi lagnir,  lagning bundins slitlags, gangstéttir, umferðareyjur og þess háttar, sem gert er ráð fyrir í skipulagi.

2. gr.
Gatnagerðargjald.

Gatanagerðargjald er ákveðinn hundraðshluti af byggingarkostnaði rúmmetra í vísitöluhúsi fjölbýlis

eins og hann  er á hverjum tíma samkvæmt útreikningum Hagstofu Íslands á grundvelli laga nr. 42/1987.  Hundraðshluti byggingakostnaðar ákvarðast eftir hústegund svo sem hér segir: 

• Einbýlishús  6,25%

   

• Rað- og fjöleignarhús  4,38%

   

• Fjöleignarhús (6 íbúðir eða fleiri)  3,13%

   

• Opinberar byggingar 6,25%

   

• Atvinnuhúsnæði og i   3,13%

   

• Annað húsnæði       3.13%

   

 Rúmmál byggingar skal reikna eftir ÍST 50 og miða við brúttóstærðir þ.m.t. bílgeymslur og önnur útihús.

Af endurbyggingu þaka íbúðarhúsa, án aukningar á nýtingu skal  greiða  15% af venjulegu gatnagerðargjaldi.
Af viðbyggingum íbúðarhúsa eldri en 15 ára skal greiða 50% af venjulegu gatnagerðargjaldi.

Af gluggalausu kjallararými íbúðarhúsa, sem myndast þegar hagkvæmara er að grafa út grunn en fylla hann upp, skal greiða 25% af venjulegu rúmmetragjaldi, enda sé aðeins gengt í það rými innan frá.
Af bílgeymslum sem byggðar eru samkvæmt skipulagsskilmálum skal greiða 50% af rúmmetragjaldi.
Í iðnaðarhúsnæði sem vegna starfsemi sinnar þarf meira en 3,3 metra lofthæð skal hámarkslofthæð að jafnaði reiknast 3,3 metrar við útreikning rúmmetragjalds.

Útreikningur gjalda miðast við notkun samkvæmt ofangreindum flokkum. Verði notkun húsnæðis breytt þannig að það flytjist yfir í hærri gjaldflokk skal endurreikna gjaldið miðað við nýjan flokk að frádregnu eldra gjaldi.

Gjöld samkvæmt þessari grein breytast miðað við vísitölu byggingarkostnaðar eins og hún er 1. hvers mánaðar. Bæjarstjórn (bæjarráði) er heimilt í sérstökum tilvikum að hækka eða lækka gatnagerðagjald á einstökum lóðum eða svæðum um allt að 25%.

3. gr.
Reglur um úthlutun lóða.

I. Almenn skilyrði

 

Reglur þessar gilda um umsóknir og úthlutun á byggingarrétti á lóðum sem Grindavíkurbær hefur til ráðstöfunar fyrir íbúðarhúsnæði.  Að lokinni úthlutun  er síðan gerður lóðarleigusamningur.

Umsækjendur skulu skila útfylltri umsókn til bæjarskrifstofu  eða byggingarfulltrúa á umsóknareyðublaði sem fæst afhent þar. Mikilvægt er að eyðublaðið sé fyllt út á réttan hátt. Heimilt er að hafna ófullnægjandi útfylltum umsóknum.

Umsóknir þurfa að hafa borist fyrir hádegi miðvikudaginn fyrir þann fund skipulags- og byggingarnefndar sem óskað er eftir að þær verði teknar fyrir.

Hægt er að sækja um eina lóð og aðra til vara.

Hver einstaklingur getur aðeins fengið úthlutað einni einbýlishúsalóð til að byggja á henni hús til eigin búsetu.
Íbúðarhúsalóðum til byggingar rað- og fjölbýlishúsa er úthlutað  að öðru jöfnu til framkvæmdaraðila eða byggingarféla sem hafa það að markmiði að selja eignir til þriðja aðila. 

Umsækjandi skal vera í skilum við bæjarsjóð Grindavíkur

Einbýlishúsalóðum er ekki úthlutað til sölu. Breytist aðstæður hjá lóðarhafa og hann getur ekki nýtt sér lóðina til íbúðar ber honum að skila lóðinni inn aftur enda hafi lóðaleigusamningur ekki verið gerður.

Umsókn hjóna skal vera sameigninleg.

II. Forgangsröðun umsókna

Skipulags- og byggingarnefnd Grindavíkur leggur mat á umsóknir um lóðir og leggur til við bæjarstjórn úthlutun þeirra.  Skipulags- og byggingarnefnd hefur heimild til að láta umsækjendur, ef fleiri en einn sækja um hverja lóð, draga um lóðina.  Draga skal um lóðir hjá byggingarfulltrúa að viðstöddum bæjarstjóra.

III Afgreiðsla umsókna

Skipulags- og byggingarnefnd Grindavíkur fer yfir innkomnar lóðarumsóknir og gerir tillögu til bæjarstjórnar til fullnaðarafgreiðslu.

Bæjarstjórn getur farið fram á að einstaklingar leggi fram staðfestingu, frá viðskiptabanka eða fjármálastofnun sem viðurkennd er af íbúðarlánasjóði, á greiðslugetu sinni fyrir fjárfestingu í húsnæði af þeirri stærð sem umsækjandi hyggst byggja.

Sé sótt um byggingarrétt í nafni lögaðila er umsóknin jafnframt metin með tilliti til upplýsinga um fjárhagsstöðu umsækjanda og fyrri byggingarverkefni. Lögaðilar skulu leggja fram endurskoðaðan ársreikning síðasta árs.

Hafi umsækjandi áður fengið úthlutað byggingarlóð í bænum er heimilt að taka mið af reynslu bæjarfélagsins af honum sem lóðarhafa og byggingaraðila.

IV Gildistími lóðarúthlutunarinnar

Hafi staðfestingargjald verið greitt en ekki verið sótt um byggingarleyfi á lóðinni á tilskilinn hátt, sbr 12. gr byggingarreglugerðar 441/1998, innan 4 mánuða frá dagsetningu lóðarúthlutunarinnar fellur úthlutunin úr gildi án frekari fyrirvara og er lóðin þar með laus til úthlutunar að nýju. Staðfestingargjaldið að frádregnum kostnaði fæst þá endurgreitt án vaxta en verðtryggt m.v. byggingarvísitölu.

V Útgáfa byggingarleyfis

Um útgáfu byggingarleyfis og gildistíma staðfestingar sveitastjórnar er fjallað í 11,12 13 og 14. gr byggingarreglugerðar nr 441/1998 með síðari breytingum.

4. gr.
Greiðsla gatnagerðargjalds.

Lóðarúthlutunin hlýtur endanlega staðfestingu við greiðslu staðfestingargjalds sem gengur síðan uppí greiðslu gatnagerðargjalds. Staðfestingargjaldið  kr 500.000- skal greiða skal innan 30 daga frá samþykktri lóðarúthlutun. Að öðrum kosti fellur úthlutunin úr gildi án frekari fyrirvara og er lóðin þar með laus til úthlutunar að nýju.

Gatnagerðargjald að frádregnu staðfestingargjaldi fellur í gjalddaga við samþykkt teikninga á  fundi Skipulags- og byggingarnefndar. Þá er endanleg fjárhæð gatnagerðargjalds ákvörðuð á grundvelli þeirrar gjaldskrár sem í gildi er á samþykktar degi.

Heimilt er að veita  sérstakan greiðslufrest á gatnagerðargjaldi tengdu veitingu byggingaleyfis, samkvæmt sérstökum greiðslusamningi sem kveður á um skilmála og greiðslukjör.  Greiðslufrestur skal þó ekki vera lengri en eitt ár.

 5. gr.
Endurgreiðsla gatnagerðargjalds.

Gatnagerðargjald skal endurgreitt í eftirtöldum tilvikum:

a) Ef lóðarhafi skilar úthlutaðri lóð eða ef lóðarúthlutun er afturkölluð.
b) Ef gatnagerðargjald hefur verið veitt í tengslum við útgáfu byggingaleyfis, en leyfið fellur úr gildi.

Endurgreiðslu gatnagerðargjalds skv. a-lið 1. mgr. er heimilt að fresta þar til lóð er úthlutað að nýju, en þó ekki lengur en í 6 mánuði.  Frestur til endurgreiðslu er í öðrum tilvikum 1 mánuður frá því að lóðarhafi krefst endurgreiðslu gatnagerðargjalds skv. b-lið 1. mgr.
Gatnagerðargjald skal endurgreitt og verðbætt miðað við vísitölu byggingakostnaðar, frá því lóðarhafi greiddi gatnagerðargjaldið til endurgreiðsludags.

6. gr.
Afturköllun lóðarúthlutunar og heimild til afturköllunar byggingaleyfis.

Nú greiðir lóðarhafi ekki gatnagerðargjald á tilskildum tíma og er bæjarstjórn þá heimilt að afturkalla byggingaleyfið og/eða lóðarúthlutun og skal kveðið svo á í úthlutunar- eða byggingaskilmálum.

Sé bygging ekki hafinn innan eins árs frá staðfestingu sveitarstjórnar fellur lóðarúthlutun niður án frekari fyrirvara.

8. gr.
Ábyrgð á greiðslu gatnagerðargjalds.
Lögveðréttur.

Lóðarhafi ber ábyrgð á greiðslu gatnagerðargjalds.
Gatnagerðargjald er ásamt áföllnum vöxtum og kostnaði tryggt með lögveðrétti í viðkomandi fasteign með forgangsrétti fyrir hvers konar samningsveði og aðfararveði.  Lögveðsrétturinn helst þó samið verði um greiðslufrest skv. 2. mgr. 5. gr. og skal þess getið í skilmálum.

9. gr.
Um eldri samninga og gatnagerðargjöld, álögð fyrir 1. janúar 1997.

Samningar og skilmálar um gatnagerðargjöld og álögð gatnagerðargjöld fyrir 1. janúar 1997, skulu halda gildi sínu og innheimtast skv. heimild í ákvæði til bráðabirgða í lögum um gatnagerðargjald nr. 17/1996, sbr. 15. gr. reglugerðar um gatnagerðargjöld nr. 543/1996.

10.gr.

Byggingarleyfisgjöld.

Greiða skal byggingarleyfisgjald fyrir hverjar framkvæmd sem byggingarleyfi ef gefið út fyrir. Innifalið í byggingarleyfisgjaldi eru lögboðin meðferð byggingarleyfiserinda, lóðarblöð, yfirferð teikninga, útmæling fyrir húsi og hæðarkóta og reglubindið eftirlit samkvæmt byggingareglugerð. Byggingarleyfisgjald er innheimt við útgáfu byggingarleyfis.

Byggingarleyfisgjald skal reiknast af rúmmáli byggingar eða viðbótarrúmmáli viðbyggingar kr. 150 hver rúmmetri. Gjaldið skal miða við stærð húss samkvæmt samþykktum uppdráttum og IST 50.

Afgreiðslu og þjónustugjöld vegna byggingarerinda.

Tegund þjónustu                                                                             Gjald. kr.                 Athugasemd.

1.      

Útgáfa stöðuleyfis, ásamt eftirliti og úttekt
byggingarfulltrúa fyrir hjólhýsi, gáma o.þ.h                           21.000

2.       Lóðaúthlutunargjald                                                                15.000                     Óafturkræft 
                                                                                                             þó lóðaúthlutun gangi
                                                                                                             til baka

3.       Fokheldisvottorð                                                                       6.000

4.       Aukavottorð um byggingarstig og stöðuúttekt                       10.000

5.       Lokavottorð                                                                             10.000

6.       Eignaskipayfirlýsingar, hver umjöllun                                        4.000

7.       Gerð stofnskjals vegna lóða                                                      3.000

8.       Aukaúttekt byggingarfulltrúa                                                  10.000

9.       Lágmarksgjald                                                                           2.700

Einingarverð samkvæmt þessari grein eru miðaðar við vísitölu byggingarkostnaðar eins og hún var í janúar 2003 (278,0 stig) og reiknast á hverjum tíma í samræmið við gildandi vísitölu.

Samþykkt í bæjarstjórn Grindavíkur   12. mars 2003.

Breyting samþykkt í bæjarstjórn Grindavíkur   15. desember 2004.

Ólafur Örn Ólafsson

Bæjarstjórinn í Grindavík