Það var líf og fjör í pílumóti í Bárunni/Pizza Islandia á Sjóaranum síkáta. Mótið gekk vel fyrir sig og þátttaka með ágætum. Hart var barist en svo fór að Ægir Örn Björnsson frá Reykjavík bar sigur úr bítum, í 2. sæti varð Grindvíkingurinn Daníel Eyjólfsson og bronsið kom í hlut Ólafs Sigurjónssonar frá Reykjavík.
Að vanda hélt Ágúst Sveinbjörn Bjarnason utan skipulagningu mótsins. Verðlaunin voru glæsileg og keppendur ánægðir með hvernig til tókst.