Jónsmessuganga á Þorbjörn næsta laugardag

• Fréttir
• 21. júní 2010

Laugardagskvöldið 26. júní býður Bláa Lónið og Grindavíkurbær upp á hina árlegu Jónsmessugöngu á fjallið Þorbjörn. Gangan hefur notið mikilla vinsælda undanfarin ár en hér er um að ræða skemmtilega afþreyingu fyrir alla fjölskylduna. Lagt verður af stað gangandi frá sundlaug Grindavíkur kl. 20:30 og er áætlað að ferðin taki um þrjár klukkustundir. Hópstjóri verður með í för. Allir eru á eigin ábyrgð.

Hljómsveitin Árstíðir mun skemmta með söng og spili við varðeld á fjallinu og einnig í Bláa lóninu þar sem gangan endar.

Enginn þátttökukostnaður er í gönguna en þátttakendur greiða aðgang í Bláa lónið. Bláa Lónið er opið óvenju lengi þetta kvöld eða til klukkan 24:00. Sjá upplýsingar um verð og þjónustu á www.bluelagoon.is
Kynnisferðir verða með sætaferðir til Grindavíkur frá BSÍ klukkan 19:30 og SBK frá Reykjanesbæ kl. 20:00. Sætaferðir frá Bláa lóninu verða til Grindavíkur kl. 00:30 og Reykjanesbæjar og Reykjavíkur kl. 01:00.

• Síðast uppfært: 21. júní 2010