Grindavík mætir Haukum á Valsvelli í kvöld kl. 20:00 í miklu fallbaráttuslag en þetta eru tvö neðstu lið deildarinnar. Bæði lið eru með 3 stig. Scott Ramsey og Grétar Ólafur Hjartarson sem báðir misstu af leiknum gegn Breiðablik vegna meiðsla eru komnir á ról og geta hugsanlega tekið einhvern þátt í leiknum.
Þá verður Jóhann Helgason með að nýju en hann var í leikbanni í síðasta leik. Grindvíkingar eru hvattir til þess að mæta á leikinn og hvetja sína menn til dáða í þessum mikilvæga leik.