Fundu merkilegan helli

• Fréttir
• 15. júní 2010

Ómar Smári Ármannsson og félagar í Ferli römbuðu á áður óþekktan og merkilegan helli í einni af göngu sínum á dögunum. Gengið var eftir fyrirfram ákveðinni leið, þ.e. um Hús í Arnarsetrisvæði, sem FERLIR hafði ekki skoðað sérstaklega í fyrri ferðum um svæðið. Og eins og svo oft áður fannst svolítið merkilegt - áður óþekkt.

Þegar tiltekið svæði með ótrúlegum hraunmyndunum var skoðað mjög nákvæmlega kom skyndilega í ljós ,,hús".

Hlaðið hafði verið fyrir hellisop. Utan við opið hafði verið flórað og innan við opið voru manngerð þrep. Slétt gólf er í hellinum og loftið braggalaga. Þarna hafa einhverjir kunnáttumenn gert sér athvarf um tíma. Fyrirhleðslan var mosavaxin og í hraungambranum fyrir framan opið voru hvergi ummerki eftir nýlegar mannaferðir. Ekki er ósennilegt að einhverjir í vegavinnuflokknum, sem gerði gamla Grindavíkurveginn á árunum 1913-1918, hafi átt þarna hlut að máli. Flokkurinn var á þessum slóðum árið 1916. Húsið er þó allnokkurn spöl frá hlöðnu vegavinnubúðunum á Gíghæð.

Sjá nánar á heimasíðu Ferlis.

• Síðast uppfært: 15. júní 2010