Skemmtilegir tónleikar Mannakorna

• Fréttir
• 7. júní 2010

Um fjögur hundruð manns mættu á stórtónleika Mannakorna í íþróttahúsinu í gærkvöldi. Tónleikarnir voru ákaflega vel heppnaðir þar sem Mannakorn spilaði rjómann af sínum bestu lögum og fóru satt að segja á kostum. Magnús Eiríksson og Pálmi Gunnarsson fóru að vanda fyrir Mannakornum en með þeim voru Gunnlaugur Briem á trommum og Eyþór Gunnarsson á hljómborð.

Ellen Kristjánsdóttir kom fram eftir hlé og söng nokkur lög en þá náðu tónleikarnir hámarki. Tónleikagestir skemmtu sér hið besta og er óhætt að segja að tónleikarnir hafi verið góður endapunktur á vel heppnaðri Sjómannadagshelgi í Grindavík.

Með því að smella á efstu myndina má sjá örlítið myndbrot frá tónleikunum.

• Síðast uppfært: 7. júní 2010