Uppbygging umhverfisvćns gagnavers í Grindavík

  • Fréttir
  • 26. maí 2010
Uppbygging umhverfisvćns gagnavers í Grindavík

Ólafur Örn Ólafsson, bæjarstjóri Grindavíkurbæjar, undirritaði í gær viljayfirlýsingu við Titan Global ehf. og HS Orku hf. um uppbyggingu gagnavers í Grindavíkurbæ sem noti orku frá fyrirhuguðum jarðvarmavirkjunum í sveitarfélaginu. Að sögn Ólafs Arnar, er markmið sveitafélagsins að efla atvinnuuppbygginu, auka fjölbreytni starfa og stuðla að áframhaldandi uppbygginu umhverfisvænnar starfsemi í sveitarfélaginu.

Titan Global ehf. er þróunarfélag um stofnun og rekstur umhverfisvænna gagnavera. Félagið býður viðskiptavinum sínum að hagnýta sér einstakar aðstæður á Íslandi fyrir náttúrlega kælingu og nýtingu endurnýjanlegarar orku. Að sögn Arnþórs Halldórssonar, stjórnarformanns Titan Global ehf., er mikil vakning meðal alþjóðlegra fyrirtækja í upplýsingatækniiðnaði að nota endurnýjanlega orku og lágmarka losun gróðurhúsaloftegunda í starfsemi sinni. Undirritun viljayfirlýsingar við Grindavíkurbæ og HS Orku sé mikilvægt skref fyrir Titan Global til þess að geta boðið viðskiptavinum sínum upp á skýran valkost er mæti ítrustu kröfum um umhverfisvernd, afhendingaröryggi og hagkvæmni.

HS Orka mun sjá gagnaveri Titan Global í Grindavík fyrir orku frá fyrirhuguðum stækkunum á jarðvarmavirkjunum félagsins sem og nýjum virkjanakostum í sveitarfélaginu. Að sögn Júlíusar Jónssonar, forstjóra HS Orku, er undirritun viljayfirlýsingarinnar liður í stefnu HS Orku að stuðla að uppbyggingu umhverfisvæns iðnaðar sem nýtir orku frá jarðavarmavirkjunum félagsins.

Næsta skref í samstarfi Grindavíkurbæjar, HS Orku og Titan Global er ákvörðun hentugrar lóðar í sveitarfélaginu, hönnun mannvirkja og nánari tímaáætlun um uppbyggingu gagnversins og afhendingu orku.

Nánari upplýsingar veita:

Ólafur Örn Ólafsson, bæjarstjóri (olafur@grindavik.is)
Arnþór Halldórsson, stjórnarformaður Titan Global ehf. (arnthor@titan-global.net)
Júlíus Jónsson, forstjóri HS Orku (julius@hs.is)

Deildu ţessari frétt