Bjarni Már tekur viđ af Gunnlaugi sem formađur UMFG

  • Fréttir
  • 20. maí 2010
Bjarni Már tekur viđ af Gunnlaugi sem formađur UMFG

Bjarni Már Svavarsson var kjörinn formaður aðalstjórnar Ungmennafélags Grindavíkur á aðalfundi félagsins í gærkvöldi en hann tók við af Gunnlaugi Hreinssyni sem hætti eftir 15 ár. Gunnlaugur er þó ekki hættur alveg störfum fyrir UMFG því hann situr áfram í stjórninni sem gjaldkeri. Stjórnarmönnum UMFG var fækkað úr 7 í 5.

Í stjórninni auk Bjarna og Gunnlaugs eru Gunnar Jóhannesson varaformaður, Ingvar Guðjónsson ritari og Sigurður Enoksson meðstjórnandi.

Bjarni sagði að fram undan séu ýmis verkefni sem gaman verði að takast á við og þess vegna hefði hann ákveðið að bjóða fram starfskrafta sína. Sagðist hann vonast til þess að eiga gott samstarf við íþróttahreyfinguna í Grindavík.

Bjarni hefur sjálfur komið víða við í íþróttunum og varð m.a. Íslandsmeistari í götuhjólreiðum auk þess sem hann hefur komið nálægt júdó og hlaupum. Undanfarin ár hefur hann starfað töluvert fyrir sunddeild UMFG og setið í aðalstjórn UMFG.

Á aðalfundi UMFG voru samþykktar reglugerðir um forvarnarsjóð, heiðursmerkjanefnd auk þess sem smávægilegar orðalagsbreytingar voru gerðar á lögum UMFG.

Netfang nýs formanns UMFG er formadur@umfg.is

Netfang aðalstjórnar UMFG er adalstjorn@umfg.is

Deildu ţessari frétt