Sjóarinn síkáti: Skilafrestur 10. maí - Óskað eftir liðsstjórum

• Fréttir
• 26. apríl 2010

Undirbúningur fyrir Sjóarann síkáta er í fullum gangi og góð mynd að komast á dagskrána. Athygli er vakin á því að þeir sem vilja koma einhverju á framfæri í dagskrána á Sjóaranum síkáta eru beðnir að senda tölvupóst á sjorainnsikati@grindavik.is, í allra síðasta lagi 10. maí nk. en þá er stefnt að því að hafa dagskrána tilbúna. Þá hafa verið ákveðnir eftirfarandi undirbúningsfundir:

Lögreglan: Þriðjudaginn 27. apríl kl. 11:00.

Jafnframt verður fundur á morgun með formanni Sjómanna- og vélstjórafélags Grindavíkur sem stendur fyrir glæsilegri dagskrá á Sjómannadeginum.

Fundirnir fara fram á bæjarskrifstofunum.

Hverfin fjögur eru beðin um að tilnefna hvert sinn liðsstjóra sem mun hafa yfirumsjón með ýmsum þáttum eins og skipulagningu á göngunni á föstudagskvöldið, liðsskipan í fótboltamótið og ýmislegt fleira. Vinsamlegast látið vita í síðasta lagi 4. maí nk. um hver liðsstjórinn er.

Þess má geta að á meðal skemmtikrafta sem hafa bæst á prógrammið eru Hera Eurovisonsöngvari, Jógvan og Friðrik Ómar, Skoppa og skrítla, hljómsveitin Dúkkulísurnar o.fl.

• Síðast uppfært: 26. apríl 2010