Leita að svæði undir fjárhúsabyggð

• Fréttir
• 24. febrúar 2010

Um 50 manns mættu á aðalfund og þorrablót Fjáreigendafélags Grindavíkur í Salthúsinu á dögunum. Meðal annars var samþykkt að skipa þriggja manna nefnd til að finna svæði undir fjárhúsabyggð en hana skipa Hermann Ólafsson, Ómar Davíð Ólafsson og Brian Lynn Thomas.

Aðalfundurinn hófst á því að minnast þeirra félaga sem féllu frá á síðastliðnu ári en þeir voru Ólafur Guðbjartsson frá Bjarmalandi, Eggert Kristmundsson og Lárus Kristmundsson frá Brunnastöðum.

Stjórnin var endurkjörinn með lófaklappi en hana skipa: Ómar Davíð Ólafsson formaður, Hermann Ólafsson varaformaður, Guðjón Þorláksson gjaldkeri, Loftur Jónsson ritari og Valgerður Valmundsdóttir. Valmundsdóttir.

Nokkur umræða var um hvort ætti að hækka félagsgjaldið eða að hafa það óbreytt og kom stjórnin með þá tillögu að hafa það óbreytt, 100 kr. pr. vetrarfóðraða kind.

Rætt var um hrúta og gimbraskoðun á haustin og hvort það ætti að reyna að fá dómarann til að koma á föstudegi en ekki um helgi því það væri dýrara. Einnig var rætt um hvort félagið ætti að borga allt umfram 350 kr. pr. kind ef peningur er til í sjóði, sem var samþykkt. Ýmis fleiri mál voru rædd á fundinum sem hægt er að sjá á heimasíðu Fjáreigendafélagsins.

• Síðast uppfært: 24. febrúar 2010